पाचगाव : गोकुळ दूध संघाच्या संदर्भात राज्य शासनाने जारी केलेल्या अधिसूचनेविरोधात पाचगाव येथे संताप व्यक्त करण्यात आला. या अधिसूचनेचा निषेध करण्यासाठी एकत्र आलेल्या आंदोलकांनी राज्य शासनाच्या अध्यादेशाची होळी करत निषेध नोंदविला. यावेळी शासनाच्या निर्णयाविरोधात घोषणाबाजी करण्यात आली.
गोकुळ दूध संघाच्या संदर्भातील शासनाच्या अधिसूचनेमुळे संबंधित घटकांमध्ये नाराजी निर्माण झाली असून, त्याचे पडसाद पाचगावमध्ये उमटले. आंदोलकांनी एकत्र येत राज्य शासनाच्या अध्यादेशाची होळी करत निषेध नोंदविला. आंदोलनामुळे परिसरात काही काळ तणावपूर्ण वातावरण निर्माण झाले होते. आंदोलनकर्त्यांनी अधिसूचनेबाबत आपली भूमिका मांडत शासनाने या निर्णयाचा फेरविचार करावा, अशी मागणी केली.
आंदोलनात जिल्हा परिषद सदस्य संग्राम पाटील, ग्रामपंचायत सदस्य, कोअर कमिटी सदस्य, विविध संघटनांचे पदाधिकारी आणि संचालक यांच्यासह ग्रामस्थ उपस्थित होते.
