सोशल मीडियावर मनमोहन सिंह यांच्या निधनाची अफवा;मात्र, प्रकृती स्थिर

16 October 2021, 08:17:41 PM

नवी दिल्ली : देशाचे माजी पंतप्रधान मनमोहन सिंह यांना दिल्लीतील एम्स रुग्णालयात प्रकृती बिघडल्याने दाखल केले आहे. सध्या त्यांची प्रकृती स्थिर आहे. तरीसुद्धा आज दुपारपासून सोशल मीडियावर त्यांच्या निधनाची अफवा पसरवली आहे. त्यांना डेंग्यू लक्षणे आढळून आली आहेत. परंतु, त्यांच्या प्रकृतीत सुधारणा होत असल्याचे एम्सच्या अधिकाऱ्यांनी सांगितले. 

मनमोहन सिंह यांना रुग्णालयाच्या कार्डिओ-न्यूरो सेंटरच्या एका खाजगी वॉर्डमध्ये दाखल करण्यात आले आहे. डॉ. नितीश नाईक यांच्या नेतृत्वाखाली हृदयरोगतज्ज्ञांचे पथक त्यांची काळजी घेत आहे. सध्या  त्यांच्या शरीरातील प्लेटलेटची संख्या वाढत असून त्यांच्या प्रकृतीत सुधारणा होत आहे, असे एम्सच्या एका अधिकाऱ्याने सांगितले. दरम्यान, रुग्णालयातील एका रुग्णाचा फोटो सोशल मीडियावर व्हायरल होत असून ते माजी पंतप्रधान मनमोहन सिंह असल्याचा दावा केला जात आहे. या फोटोसोबत मनमोहन सिंह यांचे निधन झाल्याचेही म्हटले आहे. मात्र, या सर्व गोष्टी असत्य आहेत. त्यांची प्रकृती स्थिर असून हळूहळू सुधारणा होत आहे.

सोशल मीडियावर मनमोहन सिंह यांच्या निधनाची अफवा;मात्र, प्रकृती स्थिर

16 October 2021, 08:17:41 PM

नवी दिल्ली : देशाचे माजी पंतप्रधान मनमोहन सिंह यांना दिल्लीतील एम्स रुग्णालयात प्रकृती बिघडल्याने दाखल केले आहे. सध्या त्यांची प्रकृती स्थिर आहे. तरीसुद्धा आज दुपारपासून सोशल मीडियावर त्यांच्या निधनाची अफवा पसरवली आहे. त्यांना डेंग्यू लक्षणे आढळून आली आहेत. परंतु, त्यांच्या प्रकृतीत सुधारणा होत असल्याचे एम्सच्या अधिकाऱ्यांनी सांगितले. 

मनमोहन सिंह यांना रुग्णालयाच्या कार्डिओ-न्यूरो सेंटरच्या एका खाजगी वॉर्डमध्ये दाखल करण्यात आले आहे. डॉ. नितीश नाईक यांच्या नेतृत्वाखाली हृदयरोगतज्ज्ञांचे पथक त्यांची काळजी घेत आहे. सध्या  त्यांच्या शरीरातील प्लेटलेटची संख्या वाढत असून त्यांच्या प्रकृतीत सुधारणा होत आहे, असे एम्सच्या एका अधिकाऱ्याने सांगितले. दरम्यान, रुग्णालयातील एका रुग्णाचा फोटो सोशल मीडियावर व्हायरल होत असून ते माजी पंतप्रधान मनमोहन सिंह असल्याचा दावा केला जात आहे. या फोटोसोबत मनमोहन सिंह यांचे निधन झाल्याचेही म्हटले आहे. मात्र, या सर्व गोष्टी असत्य आहेत. त्यांची प्रकृती स्थिर असून हळूहळू सुधारणा होत आहे.