विरोधी आमदारांना निधी वाटपात दुजाभाव : आ. सतेज पाटील
कोल्हापूर – सरकार स्थापन करताना मुख्यमंत्री आणि उपमुख्यमंत्री दुजाभाव न करण्याची शपथ घेतात. मात्र सत्ताधारी आमदार नसलेल्या ठिकाणी निधी न देण्याचा सरकारचा निर्णय म्हणजे त्या शपथेला हरताळ फासण्याचा प्रकार असल्याची टीका आ. सतेज पाटील यांनी केली आहे.
दिवाळी पाडव्या निमित्त कसबा बावड्यातील भारतवीर मित्र मंडळाच्या वतीने पारंपारिक पद्धतीने म्हैस पळवण्याची स्पर्धा आयोजित करण्यात आली होती. यावेळी ते बोलत होते.
राज्यात शेतकरी उद्धस्त झाले आहेत, बेरोजगारी प्रचंड वाढलीय, त्यामुळे आगामी निवडणुकीत लोकांना पैशाचे आमिष दाखवले तरीही सत्ताधाऱ्यांना मते मिळणार नाहीत, असा टोला त्यांनी यावेळी लगावला.