जिल्हा परिषद व पंचायत समिती निवडणुका; 13 ऑक्टोबरला आरक्षण सोडत जाहीर होणार
कोल्हापूर – राज्यातील जिल्हा परिषद आणि पंचायत समिती निवडणुकांच्या पार्श्वभूमीवर प्रभाग रचना पूर्ण झाल्यानंतर इच्छुकांचे लक्ष आरक्षण सोडतीकडे लागले होते. आता या संदर्भातील महत्त्वपूर्ण पाऊल उचलण्यात आले असून 13 ऑक्टोबर 2025 रोजी आरक्षण सोडत काढण्यात येणार असल्याची अधिकृत घोषणा राज्य निवडणूक आयोगाने केली आहे. राज्यातील 32 जिल्हा परिषदा आणि त्यांच्या अधिपत्याखालील 336 पंचायत समित्यांच्या सार्वत्रिक निवडणुकांकरिता सदस्यपदांचे आरक्षण या दिवशी निश्चित करण्यात येणार आहे.
☑️जिल्हा परिषद व पंचायत समिती निवडणुका -
➡️13 ऑक्टोबर 2025 – आरक्षण सोडत जाहीर होणार (32 जिल्हा परिषद व 336 पंचायत समित्यांतील सदस्यपदासाठी आरक्षण निश्चित होईल.)
➡️10 ऑक्टोबर 2025 – जिल्हाधिकारी आरक्षण सोडतीबाबत सूचना प्रसिद्ध करतील.
➡️13 ऑक्टोबर 2025 – प्रारूप आरक्षणाची अधिसूचना प्रसिद्ध.
➡️ 14 ते 17 ऑक्टोबर 2025 – आरक्षणावर हरकती व सूचना दाखल करण्याची मुदत.
➡️ 3 नोव्हेंबर 2025 – अंतिम आरक्षणाची अधिसूचना राजपत्रात प्रसिद्ध केली जाईल.
☑️नगरपरिषद व नगरपंचायती निवडणुका -
➡️ 8 ऑक्टोबर 2025 – प्रभागनिहाय प्रारूप मतदार यादी प्रसिद्ध होणार (247 नगरपरिषद व 42 नगरपंचायती).
➡️ 13 ऑक्टोबर 2025 – या प्रारूप मतदार यादीवर हरकती व सूचना दाखल करण्याची अंतिम तारीख.
➡️28 ऑक्टोबर 2025 – प्रभागनिहाय अंतिम मतदार यादी प्रसिद्ध केली जाईल.
➡️1 जुलै 2025 – अधिसूचित दिनांक म्हणून निश्चित. त्या दिवशी अस्तित्वात असलेली विधानसभा मतदार यादी वापरण्यात येणार.