आज रात्री तावडे हॉटेल जवळील स्वागत कमान पाडण्यात येणार... वाहतूक मार्गात होणार बदल
कोल्हापूर – कोल्हापूर शहराच्या सुरुवातीला असणारी तावडे हॉटेल जवळील स्वागत कमान धोकादायक बनली आहे. त्यासाठी आज रात्री 10 वाजल्यापासून सकाळी 6 वाजेपर्यंत महानगरपालिकेच्यावतीने ही स्वागत कमान पाडण्याचे काम केले जाणार आहे. त्यासाठी वाहनाच्या मार्गात मोठा बदल करण्यात येणार आहे.
वाहतूक पोलिसांच्या मदतीने तावडे हॉटेल मार्गे कोल्हापुरात येणारी वाहतूक कमान पाडण्याच्या कालावधीत उचगाव मार्गे वळविण्यात येणार आहे.
तसेच कोल्हापूर शहरातून तावडे हॉटेल मार्गे बाहेर जाणारी वाहतूक छत्रपती ताराराणी चौकातून बावडा रोडने शिये मार्गे वळवण्यात येणार आहे.
तरी या कालावधीमध्ये कोल्हापूर शहरात येणाऱ्या आणि शहरातून बाहेर जाणाऱ्या नागरिकांनी वाहतूक व्यवस्थेत केलेल्या बदलाची नोंद घेऊन प्रशासन सहकार्य करावे, असे आवाहन महानगरपालिकेच्यावतीने करण्यात आले आहे.