इस्रोची चमकदार कामगिरी
इस्रोकडून सर्वात वजनदार बाहुबली उपग्रह लाँच...
नवी दिल्ली – भारतीय अंतराळ संशोधन संस्थेने आज सर्वात वजनदार बाहुबली उपग्रह लाँच करून चमकदार कामगिरी केली आहे. आज सकाळी आंध्र प्रदेशातील श्रीहरिकोटा येथील सतीश धवन अंतराळ केंद्रातून LVM3-M6 रॉकेट वापरून अमेरिकन उपग्रह ब्लूबर्ड ब्लॉक-2 लाँच केला आहे.
ज्याचे वजय 6,100 किलोग्रॅम आहे, ज्या LVM3 रॉकेटवर तो प्रक्षेपित करण्यात आला त्याचे वजन 640 टन आहे, ज्यामुळे तो भारतातील सर्वात वजनदार प्रक्षेपण वाहन बनला आहे. त्याच्या उत्कृष्ट शक्ती, क्षमता आणि कामगिरीसाठी त्याला "बाहुबली रॉकेट" म्हणून ओळखले जाते.
ब्लूबर्ड ब्लॉक-2 हा पुढील पिढीचा संप्रेषण उपग्रह आहे जो ब्रॉडबँड कनेक्टिव्हिटी थेट सामान्य स्मार्टफोनवर आणण्यासाठी डिझाईन केलेला आहे. तो पृथ्वीवरील कुठूनही 4G आणि 5G व्हॉइस कॉल, व्हिडिओ कॉल, मेसेजिंग, स्ट्रीमिंग आणि डेटा सेवा सक्षम करेल. हे अभियान इस्रो आणि अमेरिकन कंपनी AST स्पेसमोबाईल यांच्यातील व्यावसायिक कराराचा भाग आहे.