ब्रँड कोल्हापूरचा जीवन गौरव पुरस्कार ‘यांना’ जाहीर
कोल्हापूर - यंदाचा ब्रँड कोल्हापूर जीवन गौरव पुरस्कार ज्येष्ठ सामाजिक कार्यकर्ते सुरेश शिपुरकर आणि आंतरराष्ट्रीय स्तरावरील ज्येष्ठ टेबल टेनिस खेळाडू श्रीमती शैलजा साळोखे यांना जाहीर झाल्याची माहिती ब्रँड कोल्हापूर समितीच्या सदस्यांनी दिली आहे. शनिवार 18 ऑक्टोबर रोजी नाबार्डचे माजी अध्यक्ष डॉ. यशवंतराव थोरात यांच्या हस्ते हा पुरस्कार दिला जाणार आहे. यावेळी पॅरीस ऑलंपिक ब्रॉन्झ पदक प्राप्त स्वप्निल कुसाळे, बिरदेव डोणे यांच्यासह युपीएससी परीक्षेतील यशस्वी गुणवंत, दक्षिण आफ्रिकेतील कॉम्रेड्स अल्ट्रा मॅरेथॉन मधील यशस्वी धावपटू, शिवछत्रपती पुरस्कार प्राप्त मान्यवर यांच्यासह कला, क्रीडा व सांस्कृतिक क्षेत्रात वर्षभरात राष्ट्रीय, आंतरराष्ट्रीय पातळीवर नावलौकिक मिळवलेल्या मान्यवरांना ब्रँड कोल्हापूर पुरस्कार देवून सन्मान करण्यात येणार आहे.
यावेळी ब्रँड कोल्हापूर समितीचे सदस्य उदय गायकवाड, प्राचार्य अजेय दळवी, चेतन चव्हाण, अनंत खासबारदार, भरत दैनी, डॉ. अमर आडके, प्राचार्य डॉ. महादेव नरके, अनुराधा कदम, विनायक पाचलग, संग्राम भालकर, ऐश्वर्य मालगावे, डॉ. राजेंद्र रायकर, सचिन लोंढे-पाटील आदि उपस्थित होते.