टी . ई . टी पेपर फोडण्याच्या तयारीत असणारी टोळी जेरबंद...!
स्थानिक गुन्हे अन्वेषण अन् मुरगूड पोलिसांची कारवाई...
कोल्हापूर - आज राज्यभरामध्ये शिक्षक ( TET )पात्रता परीक्षा सुरू आहे पण या परीक्षेचा पेपर फोडण्याच्या तयारीत असणाऱ्या टोळीचा पर्दाफाश मुरगुड पोलिसांनी स्थानिक गुन्हे अन्वेषणच्या पथकाद्वारे केला आहे.
या प्रकरणी नऊ जणांना ताब्यात घेतले आहे. या टोळीची व्याप्ती मोठी असण्याची शक्यता असून मुरगुड पोलीस या घटनेचा गांभीर्याने तपास करत आहेत. ताब्यात घेतलेल्या संशयित आरोपींमध्ये काही शाळेतील परीक्षार्थी शिक्षकांचाही सहभाग असून या सर्वांना कागल तालुक्यातील सोनगे येथून ताब्यात घेतले आहे.
ताब्यात घेतलेल्या सर्व कागल आणि राधानगरी तालुक्यातील आहेत. शनिवारी सायंकाळपासून रात्रभर पोलीस या घटनेचा तपास करत होते. मध्यरात्री पोलीस पथकाने टीईटी पेपर फोडणाऱ्या टोळीला जेरबंद केले अजूनही संशयित आरोपींची संख्या वाढण्याची शक्यता आहे.