पालकमंत्री प्रकाश आबिटकर यांच्या हस्ते प्रजासत्ताक दिनाचा मुख्य शासकीय समारंभ...
कोल्हापूर - भारताच्या ७७ व्या प्रजासत्ताक दिनानिमित्त कोल्हापुरातील मुख्य शासकीय समारंभ सोमवार, दिनांक २६ जानेवारी रोजी पालकमंत्री प्रकाश आबिटकर यांच्या हस्ते होणार आहे . यावेळी सह पालकमंत्री माधुरी मिसाळ यांची प्रमुख उपस्थिती असणार आहे. हा सभारंभ सकाळी सव्वा नऊ वाजता पोलीस परेड मैदानावर होणार आहे.
या कार्यक्रमास स्थानिक लोकप्रतिनिधी, नागरिक, स्वातंत्र्य सैनिक व शहिद जवानांचे कुटुंब यांनी उपस्थित रहावे, असे आवाहन जिल्हा प्रशासनाच्या वतीने करण्यात आले आहे. ध्वजारोहणाचा समारंभ सुरु होण्यापूर्वी २० मिनिटे आसनस्थ व्हावे व सुरक्षिततेच्या दृष्टीने कोणतीही बॅग सोबत आणू नये, असेही आवाहन करण्यात आले आहे.
मुख्य शासकीय समारंभात निमंत्रितांना सहभागी होता यावे यासाठी २६ जानेवारी रोजी सकाळी ८.२० ते १०.०० वाजेपर्यंतच्या दरम्यान ध्वजारोहणाचा किंवा इतर कोणताही शासकीय किंवा अर्धशासकीय समारंभ आयोजित करण्यात येवू नये. जर एखाद्या कार्यालयास अथवा संस्थेला आपला स्वत:चा ध्वजारोहण समारंभ करावयाचा असल्यास त्यांनी तो समारंभ सकाळी ८.३० वाजेपूर्वी किंवा १० वाजल्यानंतर करावा, असे आवाहन जिल्हा प्रशासनाच्या वतीने करण्यात आले आहे.