धामणी नदीत मासे पकडण्यासाठी केला जातोय विषारी पदार्थांचा वापर... कारवाईची मागणी
कोल्हापूर - धामणी नदी पात्रातील पाण्याची पातळी कमी झाली की हरपवडे, वेतवडे पैकी मुसलमानवाडी परिसरात मोठ्या प्रमाणात मासेमारी होत असते. मासे पकडण्यासाठी विषारी रामाटाचा पाला, टिसीएल पावडर, जिलेटच्या कांड्यांचा वापर केल्यानंतर मासे मरतात. त्यामुळे मासेमारी करणारे अशा विषारी पदार्थांचा वापर मोठ्या प्रमाणात करत आहेत. मात्र, यामुळे नदीचे पाणी दुषित होत असल्याने नागरिकांचे आरोग्य धोक्यात येत आहे. मासेमारी करणाऱ्यांना टिसीएल, जिलेटचा मोठ्या प्रमाणात साठा कुठून मिळतो आणि जिलेट विकणाऱ्यांवर कारवाई करावी, अशी मागणी केली जात आहे.
घातक विषारी पदार्थांचा वापर करून मासेमारी करणाऱ्यांना कोणाचाही धाक राहिलेला नाही. त्यामुळे प्रशासनाने त्यांच्यावर कडक कारवाई करण्याची गरज आहे.