SNEWS Kolhapur

सामाजिक

कोल्हापूर : ऐतिहासिक वारसा असलेल्या शाहू मिल संदर्भात मुंबई येथे ५ फेब्रुवारी रोजी दुपारी ३ वाजता शासकीय बैठक आयोजित करण्यात आली आहे. मात्र या बैठकीस स्थानिक नेतृत्व करणारे खासदार श्रीमंत शाहु महाराज छत्रपती यांना निमंत्रण नसल्याच्या पार्श्वभूमीवर शाहू प्रेमी व माजी कामगारांनी नाराजी व्यक्त केली आहे. बंद पडलेल्या शाहू मिलच्या जागेवर व्यावसायिक प्रकल्प उभारण्याऐवजी बेरोजगारांना रोजगार देणारी आणि राजर्षी शाहू महाराज यांच्या सामाजिक न्यायाच्या विचारांना साजेशी अद्ययावत शाहू मिलच उभारली जावी, अशी मागणी करण्यात येत आहे. या मागणीसाठी गुरुवारी दुपारी ३ वाजता शाहू मिलच्या प्रवेशद्वारावर “शासनाकरीता स्मरण बैठक” आयोजित करण्यात आली आहे. या बैठकीत शासनाला आपल्या मागण्यांची आठवण करून देण्यात येणार असल्याचे आयोजकांनी सांगितले. बैठकीस सर्वांनी उपस्थित राहावे असं आवाहन माजी नगरसेवक शिवाजी कवाळे, नगरसेवक रोहित कवाळे, संजय मोहिते, प्रतिज्ञा उत्तुरे, कामगार संघटनेचे अध्यक्ष शेखर कवाळे, विजय देवणे, बाबा पार्टे, अॅड. इंदुलकर, अनिल कदम, काका पाटील आणि महेश बुचडे यांनी केलंय.