समाजात तेढ निर्माण करणाऱ्यांना मतदारांनी धडा शिकवावा : आ. सतेज पाटील यांचे आवाहन
कोल्हापूर – काही राजकीय पक्षांकडून समाजा-समाजांत तेढ निर्माण केला जात आहे, अशाप्रकारे दुहेरी राजकारण करणाऱ्यांना मतदारांनी धडा शिकवावा, असे आवाहन आमदार सतेज पाटील यांनी केले आहे.
आजरा नगरपंचायत निवडणुकीत परिवर्तन विकास आघाडीच्या वतीने ठिकठिकाणी प्रचार सभा आयोजित करण्यात आल्या होत्या. यावेळी ते बोलत होते.
या प्रचार सभेत बोलताना आमदार सतेज पाटील यांनी, राज्य सरकारकडून सर्वसामान्यांना पंधराशे रुपये दिले जातात. मात्र, महागाई, बेरोजगारी याकडे दुर्लक्ष केले जात आहे. राज्यातील सरकारकडून समाजा- समाजात भांडणं लावण्याचे काम केले जात असल्याचा आरोप त्यांनी यावेळी केला. आजरा शहराचे अनेक प्रलंबित प्रश्न आम्ही लक्ष देऊन सोडवू असे सांगून आजरा शहराच्या विकास कामांसाठी निधी कमी पडून देणार नाही, अशी ग्वाही त्यांनी दिली.
यावेळी ज्येष्ठ नेते जयवंतराव शिंपी, उमेश आपटे, राहुल देसाई, सचिन घोरपडे, संभाजी पाटील, आलम नाईकवाडे, अशोक तरडेकर, सुमैय्या खेडेकर, भैरवी सावंत, अमित खेडेकर, युवराज पोवार, प्रभाकर कोरवी, रवींद्र भाटले, किरण कांबळे आदी उपस्थित होते.