‘...आपल्याला भीक मागावी लागते’
केंद्रीय राज्यमंत्री रामदास आठवले यांची मोठी खंत
मुंबई – सध्या महायुतीमध्ये पक्षांची संख्या अधिक झाली आहे त्यामुळे कोणत्या पक्षाला किती जागा द्यायच्या आणि आपल्या पक्षासाठी किती जागा ठेवायच्या याची जुळवा जुळव करताना महायुतीची चांगलीच गोची होतीय. अशातच केंद्रीय राज्यमंत्री रामदास आठवले यांनी, “महायुतीतून जागा मिळाव्या म्हणून आपल्याला भीक मागावी लागते” अशी मोठी खंत व्यक्त केली आहे. त्यामुळे आगामी निवडणुकांमध्ये आरपीआय गट स्वबळावर निवडणूक लढवणार का ? अशी चर्चा रंगू लागली आहे.
निवडणुका आल्या की सगळे पक्ष सर्व जागा लढवण्याच्या तयारीत असतात, परंतु आमच्या पक्षात अजिबात तसं नाही, जागांसाठी इतर पक्षांकडे भीक मागावी लागते, असे म्हणत त्यांनी आपल्या मित्रपक्षावर नाराजी व्यक्त केली आहे.