पुणे पदवीधर मतदार संघाच्या समन्वयकपदी सुनील मोदी यांची नियुक्ती
पुणे - पुणे पदवीधर मतदार संघाच्या निवडणुकीसाठी पक्षाच्या मध्यवर्ती कार्यालयाने कोल्हापूर शहरप्रमुख सुनील मोदी यांची पुणे पदवीधर मतदार संघाच्या समन्वयकपदी नियुक्ती केली आहे.
सुनील मोदी यांनी कोल्हापूर महानगरपालिकेत माजी नगरसेवक, माजी स्थायी समिती सभापती व माजी परिवहन सभापती म्हणून काम पाहिले आहे. शिवाजी विद्यापीठाच्या सिनेटवर त्यांनी सलग 12 वर्षे व कार्यकारिणीवर 6 वर्षे जबाबदारी निभावली. तसेच 1995 मध्ये युती सरकार असताना पुणे म्हाडा मंडळाचे सदस्य म्हणूनही त्यांनी कार्य केले आहे. मोदी यांच्या नेतृत्वाखाली पुणे पदवीधर मतदार संघातील पाचही जिल्ह्यांमध्ये पक्ष व सर्व अंगीकृत संघटनांच्या माध्यमातून अधिकाधिक पदवीधरांची मतदार नोंदणी करण्याचे उद्दिष्ट ठेवण्यात आले आहे.