कोल्हापूर - श्री गजानन महाराज यांनी झामसिंग राजपूत यांना दिलेल्या मुळ चरण पादुका या पंढरपूर व शेगाव पायीदिंडी सोहळ्यात दर्शनास असतात. महाराजांच्या या मुळ चरण पादुका १७ आणि १८ मे २०२५ कोल्हापूर नगरीत भक्तांच्या दर्शनासाठी येत आहेत. तरी सर्व भक्तांनी वेळेत येऊन दर्शनाचा लाभ घ्यावा असे आवाहन संयोजक राकेश दिनकर कापशीकर यांनी केले आहे. श्री गजानन महाराज शेगाव यांनी १९०६ ला आपल्या मुळ चरण पादुका मुंडगांवच्या झामसिंग राजपूत यांना दिल्या होत्या. राजपूत यांनी त्या पादुकांची आपल्या वाड्यात स्थापना करून पादुका मंदिर उभारले. तसेच १९०८ ला पुंडलिक भोकरे, मुंडगांव यांच्या स्वप्नात दृष्टात दिल्याप्रमाणे श्री गजानन महाराजांनी शेगाव येथुन झामसिंगाकडे प्रत्यक्षात स्वतःच्या चरण पादुका पुंडलिक भोकरे यांना देण्यासाठी पाठवल्या. भोकरे यांचे राहते घर लहान व पर्याप्त नसल्याने या दिव्य पादुकांची सुरक्षा रहावी व सर्व भक्तांना दर्शन करता यावे म्हणून झामसिंग यांनी स्वतःचा वाडा व ३१ एकर शेती श्री गजानन महाराज पादुका संस्थान मुंडगाव या संस्थेला दान केली. श्री गजानन महाराज यांनी दिलेल्या मुळ चरण पादुका या पंढरपूर व शेगाव पायीदिंडी सोहळ्यात दर्शनास असतात. महाराजांच्या या मुळ चरण पादुका अहमदनगर, पुणे, सातारा, कोल्हापूर नगरीत भक्तांच्या दर्शनासाठी येत आहेत. शनिवारी १७ मे रोजी सकाळी ९.३० ते रात्री ८.३० आणि रविवारी १८ मे रोजी सकाळी ७ ते रात्री ७ वा. पर्यंत कोल्हापुरातील श्री केदारनाथ सांस्कृतिक भवन, क्रशर चौक, (तलवार चौक) इराणी खणीनजिक, सिग्नल जवळ, सानेगुरूजी रोड येथे दर्शनासाठी ठेवण्यात येणार आहेत. तरी सर्व भक्तांनी वेळेत येऊन दर्शनाचा लाभ घ्यावा असे आवाहन संयोजक राकेश दिनकर कापशीकर यांनी केले आहे.