विदेशी मद्याची वाहतूक करणारे चौघे ताब्यात...एक्साईजची आळतेमध्ये कारवाई
कोल्हापूर - स्थानिक स्वराज्य संस्थांच्या निवडणुकीच्या पार्श्वभूमीवर राज्य उत्पादन शुल्क विभागाकडून बेकायदा विदेशी मद्याची वाहतूक, साठा, विक्री करणाऱ्यांवर कारवाई सुरू आहे.
आज कोल्हापूर विभागीय भरारी पथक क्रमांक एकने हातकणंगले तालुक्यातील आळते येथे कारवाई करत बेकायदेशीर रित्या विदेशी मद्याची वाहतूक करणाऱ्या मुसा जमादार, राहुल लोहार, संतोष खाडे आणि रविराज कोठावळे यांना ताब्यात घेतले आहे. पोलिसांनी त्यांच्याकडून वाहतुकीसाठी वापरलेल्या वाहनांसह विदेशी मद्याचा साठा असा एकूण आठ लाख पाच हजार रुपयांचा मुद्देमाल जप्त केला आहे.