फुलेवाडी रिंग रोडवर पूर्व वैमनस्यातून तरुणाचा खून; सात जणांविरोधात गुन्हा दाखल
कोल्हापूर – फुलेवाडी रिंग रोड परिसरातील गंगाई लॉनजवळ मध्यरात्री दीडच्या सुमारास झालेल्या सशस्त्र हल्ल्यात महेश राख या तरुणाचा धारदार शस्त्राने वार करून खून करण्यात आला आहे. यावेळी आणखी एका तरुणावरही हल्ला करून त्याला जखमी करण्यात आल्याचे समजते.
प्राथमिक माहितीनुसार, हा हल्ला पूर्व वैमनस्यातून करण्यात आला असून सिद्धांत गवळी, आदित्य गवळी, धीरज शर्मा, ऋषभ साळुंखे, मयूर कांबळे, पियूष पाटील, सद्दाम कुंडले आणि इतर साथीदारांनी तलवार, एडका, फायटर, लोखंडी गज यांचा वापर करत सशस्त्र हल्ला केला आहे. या प्रकरणी करवीर पोलीस ठाण्यात वरील सात संशयित आरोपींविरोधात गुन्हा दाखल करण्यात आला आहे. घटनेनंतर परिसरात तणावपूर्ण वातावरण निर्माण झाले असून, घटनास्थळी पोलीस बंदोबस्त तैनात करण्यात आला आहे.