गडहिंग्लज नगरपालिकेच्या प्रभाग क्रमांक ३ अ मध्ये झालं ‘इतके’ टक्के मतदान
कोल्हापूर – कोल्हापूर जिल्ह्यातील गडहिंग्लज नगरपालिकेच्या प्रभाग क्रमांक ३ अ मध्ये इतर मागास महिला राखीव पदासाठी आज मतदान प्रक्रिया पार पडली. चैत्रा गवळी आणि सुजाता मांगले यांच्यात ही थेट लढत झाली.
काही दिवसांपूर्वी प्रभाग क्रमांक ३ अ ची ही निवडणूक अर्ज अपात्रतेवरून न्याय प्रविष्ठ झाली होती. आज सकाळी ७.३० वाजल्यापासून या प्रभागातील मतदान प्रक्रियेला सुरुवात झाली. सकाळी साडे अकरापर्यंत २६.५६ टक्के मतदारांनी मतदानाचा हक्क बजावला. त्यानंतर दुपारी दीड पर्यंत ४४.९४ टक्के मतदारांनी मतदान केल्याची नोंद झालीय तर साडे तीन वाजेपर्यंत ६१.५८ टक्के म्हणजे २ हजार ४७० पैकी १ हजार ५२१ मतदारांनी मतदान केले आहे.