परिवहन विभागाशी नाम साधर्म्य असणाऱ्या वेबसाईट, ॲप्स वापरताना सावध रहा..!
कोल्हापूर - परिवहन विभागाचे वेबसाईट, मोबाईल अॅप तुम्ही वापरत असला तर सावध रहा कारण परिवहन विभागाचे बनावट वेबसाईट, मोबाईल अॅप्स तसेच खोट्या e-Challan लिंक सध्या सोशल मिडीयावर फिरू लागल्याने तुमची फसवणूक होऊ शकते, यासाठी परिवहन विभागाकडून सावध राहण्याचे आवाहन करण्यात आले आहे.
या बनावट लिंकमुळे वाहन चालक, मालक यांची आर्थिक फसवणूक, वैयक्तिक माहितीची चोरी तसेच नागरिकांच्या ओळखीचा गैरवापर होत असल्याचे आढळून आले आहे. सर्व वाहन चालक, मालक यांनी परिवहन विभागाच्या अधिकृत शासकीय संकेतस्थळांचा वापर करावा, असे आवाहन सह परिवहन आयुक्त शैलेश कामत यांनी केले आहे.
अधिकृत शासकीय संकेतस्थळ पुढीलप्रमाणे-
वाहन नोंदणी सेवा (VAHAN) - https://vahan parivahan.gov.in, ड्रायव्हिंग लायसन्स सेवा (SARATHI) - https://sarathi.panvahan.gov.in, परिवहन सेवा - https://www.parivahan.gov.in, ई-चलन पोर्टल - https://echallan parivahan.gov.in
वरील सर्व अधिकृत संकेतस्थळे ".gov.in" ने समाप्त होतात. ".com", "online", "site", "in" अशा डोमेनवरील कोणत्याही वेबसाईट नागरिकांनी उघडू नयेत.
RTO Services.apk", "mParivahan Update.apk", "eChallan Pay.apk" अशा अनधिकृत APK ॲप्स चोरीला जाण्याची शक्यता असते. नागरिकांनी कोणताही संशयास्पद संदेश/लिंक प्राप्त झाल्यास तात्काळ National Cyber Crime Portal-https://www.cybercrime.gov.in तसेच सायबर फसवणूक हेल्पलाईन - १९३० किंवा जवळचे जिल्हा सायबर पोलीस स्टेशन येथे तक्रार नोंदवावी, असे आवाहन प्रादेशिक परिवहन अधिकारी संजीव भोर यांनी केले आहे.