काँग्रेसकडून ३२९ जणांच्या मुलाखती; दुसऱ्या दिवशी १९४ इच्छुकांनी मागितली उमेदवारी
कोल्हापूर : महापालिका निवडणुकीसाठी काँग्रेसकडून इच्छुक उमेदवारांच्या मुलाखतींना मोठा प्रतिसाद मिळत असून दोन दिवसांत तब्बल ३२९ जणांनी उमेदवारीसाठी मुलाखती दिल्या आहेत. काँग्रेस कमिटीमध्ये दुसऱ्या दिवशी प्रभाग क्रमांक ११ ते २० मधील इच्छुक उमेदवारांच्या मुलाखती घेण्यात आल्या. दुसऱ्या दिवशी एकूण १९४ जणांनी उमेदवारीची मागणी केली.
मंगळवारी झालेल्या पहिल्या दिवशी १३५ इच्छुकांनी मुलाखती दिल्या होत्या. गत महापालिकेत काँग्रेसची सत्ता असल्याने यंदाच्या निवडणुकीत पक्षाकडे इच्छुकांची संख्या मोठ्या प्रमाणात वाढली आहे. प्रभागांची रचना मोठी झाल्यामुळे अनेक इच्छुकांना आपल्या अपेक्षांवर मर्यादा घालाव्या लागत असल्या, तरी “पक्ष जो निर्णय घेईल तो आम्हाला मान्य असेल” असे आश्वासन सर्वच प्रभागांतील इच्छुक कार्यकर्त्यांनी आमदार सतेज पाटील यांना दिले.
माजी आमदार ऋतुराज पाटील, सचिन चव्हाण, आनंद माने, राजू लाटकर, भारती पोवार, सरलाताई पाटील आणि भरत रसाळे यांच्या उपस्थितीत या मुलाखती पार पडल्या.
➡️हे आहेत प्रमुख इच्छुक उमेदवार -
यशोदा रविंद्र आवळे, जयश्री सचिन चव्हाण, सचिन चव्हाण, रियाज सुभेदार, उदय पोवार, ईश्वर परमार, वृषाली दुर्वास कदम, पद्मजा भुर्के, माणिक मंडलीक, प्रवीण सोनवणे, भूपाल शेटे, शमा मुल्ला, विनायक फाळके, अमर समर्थ, विजय सूर्यवंशी, शिवाजी कवाळे, आश्विनी अनिल कदम, संजय मोहिते, सुरेश ढोणुक्षे, पद्मावती काकासाहेब पाटील, उत्तम शेटके, शोभा कवाळे, प्रवीण केसरकर, दुर्वास कदम, मधुकर रामाणे, वनिता देठे, प्रतीक्षा पाटील....