मुंबई - ६४ व्या महाराष्ट्र राज्य हौशी मराठी नाट्य स्पर्धेत 'वसुभूमी' नाटकाने प्रथम क्रमांक मिळवला आहे. तसेच द्वितीय क्रमांक चंदगड संस्थेच्या ‘हायब्रीड’ तर इचलकरंजी संस्थेच्या ‘मी कुमार’ या नाटकाने  तृतीय क्रमांक मिळवलाय. या तिन्ही नाटकांची अंतिम फेरीसाठी निवड झालीय अशी माहिती सांस्कृतिक कार्य संचालक बिभीषण चवरे यांनी दिली.

यावेळी उत्कृष्ट अभिनयामध्ये  प्रफुल्ल गवस (नाटक- सुर्य पाहिलेला माणूस) आणि  स्नेहल बंडगर (नाटक- मी कुमार) यांनी यश मिळवलं आहे. राज्य हौशी मराठी नाट्य स्पर्धेमधील दिग्दर्शनमध्ये वसुभूमी नाटकाच्या संजय मोहिते यांना प्रथम, हायब्रीडच्या परसू गावडे यांना द्वितीय तर तृतीय पारितोषिक मी कुमार च्या अभिजित फाटक यांनी मिळवलं. प्रकाश योजनामध्ये प्रथम पारितोषिक यश शिंदे (नाटक- अ युजलेस जिनिअस), द्वितीय शाम चव्हाण (नाटक- द फिलिंग पॅराडॉक्स) तर  तृतीय पारितोषिक राजेश शिंदे (नाटक- हायब्रीड) यांनी मिळवलं.  नेपथ्यमध्ये  प्रथम पारितोषिक ओंकार चौगुले (नाटक- मी कुमार) द्वितीय पारितोषिक शिवाजी पाटील (नाटक-अग्निकाष्ट), तृतीय पारितोषिक दीपक अणेगिरीकर (नाटक-तू वेडा कुंभार) रंगभूषामध्ये  प्रथम पारितोषिक सोनम धनुकटे (नाटक-अग्निकाष्ट), द्वितीय पारितोषिक ओंकार पाटील (नाटक- संयुक्त जत्राट), तृतीय पारितोषिक सदानंद सूर्यवंशी (नाटक- एक औरत हिपेशिया भी थी) संगीत दिग्दर्शनमध्ये प्रथम पारितोषिक ऋषिकेश देशमाने (नाटक- वसुभूमी), द्वितीय पारितोषिक राणी लोहार (नाटक- हायब्रीड), तृतीय पारितोषिक विरेश लोखंडे (नाटक- काखंत कळसा न गावाला वळसा) वेशभूषामध्ये  प्रथम पारितोषिक डॉ. राजश्री खटावकर (नाटक-वसुभूमी), द्वितीय पारितोषिक संजना परब (नाटक-वायव्यनगर) तृतीय पारितोषिक अनुथा नागवेकर- देसाई (नाटक- एक औरत हिपोशिया भी थी) 
अभिनयासाठी गुणवत्ता प्रमाणपत्रे पार्थ घोरपडे (नाटक- अ युजलेस जिनिअस), सुशांत करोशे (नाटक-संयुक्त जत्राट), अमित कांबळे (नाटक- आज महाराष्ट्र दिन आहे), सौरभ कदम (नाटक- सावळे रक्तव्याज), सुभाष टाकळीकर (नाटक- तू वेडा कुंभार), राधिका शिंदे (नाटक-हायब्रीड), श्रृती कांबळे (नाटक- काळोख देत हुंकार), अनुराधा धामणे (नाटक- काखंत कळसा न गावाला वळसा), अर्णवी उपराठे (नाटक-अग्निकाष्ठ), अश्विनी कांबळे (नाटक-भांडा सौख्यभरे)यांना जाहीर झाले आहे.