सायबर चौकात ट्रकचा भीषण अपघात – चार ते पाच वाहनांचे मोठे नुकसान
कोल्हापूर : आज सायंकाळी साडेसात वाजण्याच्या सुमारास सायबर चौकात विचित्र अपघात झाला. शिवाजी विद्यापीठाकडून शहराच्या दिशेने येणाऱ्या मालवाहू ट्रकचे नियंत्रण चालकाच्या हातून सुटले आणि सिग्नल जवळ उभ्या असलेल्या वाहनांना ट्रकने जोरदार धडक दिली.
या अपघातात चार ते पाच वाहनांचे मोठे नुकसान झाले असून सुदैवाने कोणतीही जीवितहानी झालेली नाही. ट्रक चालकासह इतर दोघे किरकोळ जखमी झाले असून त्यांना उपचारासाठी सीपीआर रुग्णालयात हलविण्यात आले आहे. अपघातानंतर परिसरात मोठी वाहतूक कोंडी निर्माण झाली होती. अपघाताची माहिती मिळताच राजारामपुरी पोलिस ठाण्याचे पथक घटनास्थळी दाखल होऊन पंचनामा सुरू केला असून वाहतूक सुरळीत करण्याचे काम सुरू आहे.