उत्तुरे फौंडेशन, शिवसेना ठाकरे गटातर्फे घरगुती गणपती सजावट बक्षीस वितरण सोहळा उत्साहात
कोल्हापूर - राजारामपुरी येथील उत्तम उत्तुरे फौंडेशन व शिवसेना ठाकरे गट जिल्हा महिला आघाडी यांच्या वतीने सन 2024 मध्ये घेण्यात आलेल्या घरगुती गणपती सजावट स्पर्धेचा बक्षीस वितरण सोहळा रविवारी उत्साहात पार पडला. शिवसेना महिला आघाडी जिल्हाप्रमुख प्रतिज्ञा उत्तुरे आणि उद्योजक महेश उत्तुरे यांची प्रमुख उपस्थिती होती.
स्पर्धेतील विजेते पुढीलप्रमाणे-
१) रोहन मोहन हातकर (११ हजार रुपये),
२) ऋतुराज रामचंद्र तांबेकर (५ हजार रुपये),
३) अनुराग विजय घोरपडे (३ हजार रुपये).
उत्तेजनार्थ गौरव प्रताप रोकडे व रोहन सचिन कांबळे यांना देण्यात आले. सर्वच स्पर्धकांना चांदीची श्री अंबाबाईची प्रतिमा व प्रमाणपत्र देऊन गौरवण्यात आले.
शिवसेनेचे उपनेते संजय पवार, जिल्हाप्रमुख रविकिरण इंगवले, महिला आघाडी जिल्हाप्रमुख प्रतिज्ञा उत्तुरे, उद्योजक महेश उत्तुरे यांच्या हस्ते बक्षीस वितरण करण्यात आले. स्पर्धेचे निरीक्षक म्हणून सागर बगाडे यांनी काम पाहिले. कार्यक्रमाला शिवसेनेचे सहसंपर्क प्रमुख विजय देवणे, अस्लम सय्यद, विशाल देवकुळे, रघुनाथ टिपुगडे, मंजीत माने, सनराज शिंदे, अनिल कदम, संग्राम निंबाळकर, रीमा देशपांडे, अमृता जाधव, विद्या गायकवाड, शिल्पा संकपाळ, माधुरी जाधव, माधवी लोणारे, शुभांगी साळुंखे, कृष्णा जाधव, उमेश उत्तुरे, सचिन उत्तुरे उपस्थित होते.