"...मग लाडकी बहीण योजना बंद करू का?" : उपमुख्यमंत्री अजित पवार चिडले
पुणे – मुख्यमंत्री माझी लाडकी बहीण योजनेमध्ये मोठ्या प्रमाणात बोगस नोंदणी झाल्याचं समोर येत आहे. यामध्ये सर्वाधिक बोगस लाभार्थी दोन्ही उपमुख्यमंत्र्यांच्या जिल्ह्यातून आले आहेत. यावर उपमुख्यमंत्री अजित पवार यांना विचारलं असता, "...मग लाडकी बहीण योजना बंद करू का?" असे म्हणत चिडले.
पुणे जिल्ह्यात सर्वाधिक २ लाख ४ हजार बोगस लाभार्थी आढळले. ठाण्यात १ लाख २५ हजार ३००, अहिल्यानगरमध्ये १ लाख २५ हजार ७५६, नाशिकमध्ये १ लाख ८६ हजार ८००, छत्रपती संभाजीनगरमध्ये १ लाख ४ हजार ७००, कोल्हापूरमध्ये १ लाख १४००, मुंबई उपनगरात १ लाख १३ हजार, नागपुरात ९५ हजार ५००, बीडमध्ये ७१ हजार, लातूरमध्ये ६९ हजार, सोलापूरमध्ये १ लाख ४ हजार, साताऱ्यात ८६ हजार, सांगलीत ९० हजार, पालघरमध्ये ७२ हजार, नांदेडमध्ये ९२ हजार, जालन्यात ७३ हजार, धुळ्यात ७५ हजार तर अमरावतीत ६१ हजार बोगस लाभार्थी सापडल्याचे उघडकीस आले आहे.