कोल्हापूर ही संधीची खाण आहे. या संधीचा उपयोग करून स्वतःच अस्तित्व निर्माण करा. यासाठी जागतिक स्तरावर गर्जे मराठी सर्वोपरी मदत करेल.अशी ग्वाही गर्जे मराठी ग्लोबलचे संस्थापक अध्यक्ष आनंद गानू यांनी दिलीय . ते डी. वाय. पाटील ग्रुप आणि गर्जे मराठी ग्लोबल आय एन सी यांच्या संयुक्त विद्यमानं आयोजित कोल्हापूर टू ग्लोबल या विशेष सेमिनारच्या उद्घाटन समारंभात बोलत होते. यावेळी डी वाय पाटील ग्रुप आणि गर्जे मराठी यांच्यात सामंजस्य करार करण्यात आला. याअंतर्गत उद्योजकता, उच्च शिक्षण, आणि नेटवर्किंगसाठी सहाय्य करण्यात येणार आहे.

डी. वाय. पाटील ग्रुप आणि गर्जे मराठी ग्लोबल आय एन सी यांच्या संयुक्त विद्यमानं आयोजित कोल्हापूर टू ग्लोबल या विशेष सेमिनारचं आयोजन करण्यात आलं होतं. यामध्ये शिक्षण, अभियांत्रिकी आणि उद्योग याविषयी चर्चा करण्यात आली. या कार्यक्रमाला डी वाय पाटील ग्रुपचे अध्यक्ष डॉ. संजय डी पाटील, विश्वस्त माजीआमदार ऋतुराज पाटील, कुलगुरू डॉ राकेशकुमार शर्मा, कार्यकारी संचालक डॉ ए के गुप्ता यांची प्रमुख उपस्थिती होती.

यावेळी बोलताना माजी आमदार ऋतुराज पाटील यांनी, विद्यार्थी आणि इंडस्ट्रि यामधील गॅप कमी करण्याचं काम गर्जे मराठी करत असल्याचं सांगितलं. . जगभरातील मराठी माणसांना एकत्र करून एक चांगलं व्यासपीठ गर्जे मराठीनं निर्माण केलंय . त्यांनी एकूण सव्वीस देशात पंधरा हजार पाचशेहून अधिक जणांना एकत्र करून नेटवर्क उभं केलंय . डी वाय पाटील ग्रुप सुद्धा विविध क्षेत्रात काम करत आहे. त्यामुळं दोन्ही मिळून एक चांगला प्लॅटफॉर्म उभा करू असा विश्वास त्यांनी व्यक्त केला.

गर्जे मराठीचे अध्यक्ष आनंद गानू यांनी, कोल्हापूर ही संधीची खाण असल्याचं सांगितलं. . या संधीचा उपयोग करून स्वतःचं अस्तित्व निर्माण करा. यासाठी गर्जे मराठी सर्वोपरी मदत करेल. अशी ग्वाही त्यांनी दिली. २०१६ मध्ये जगभरातील मराठी माणसांना एकत्र करण्याला सुरुवात केली. या लोकांना देशासाठी काहीतरी करायचं होतं. यासाठीच गर्जे मराठीची स्थापना केल्याचं त्यांनी सांगितलं. प्रत्यक्षात तुम्हाला व्यवसाय नेटवर्कसाठी मदत करू असं सांगत देश, समाज, आणि संस्कृती वृद्धिगंत करण्यासाठी सर्वांनी एकत्र प्रयत्न करूया असं आवाहन त्यांनी केलं.

यानंतर डी वाय पाटील ग्रुप आणि गर्जे मराठी यांच्यात सामंजस्य करार करण्यात आला. यावर दोन्ही कडील मान्यवरांनी सह्या केल्या. या करारांतर्गत गर्जे मराठीच्या जागतिक नेटवर्कमधील मेंटॉर्स विद्यार्थ्यांना व्यवसाय कल्पना, प्रोजेक्ट्स, स्टार्टअप ॲक्सेलरेशन याबाबत मार्गदर्शन करतील. तर डी. वाय. पाटील ग्रुपकडून या उपक्रमांसाठी आवश्यक पायाभूत सुविधा आणि आयोजनाची जबाबदारी पार पाडली जाईल. विद्यार्थ्यांसाठी विविध कार्यशाळा, सेमिनार, स्पर्धा, गुंतवणूकदारांशी संवाद यासारख्या उपक्रमांचं आयोजन करण्यात येणार असून, गरजू विद्यार्थ्यांना मदतीच्या संधीही उपलब्ध करून दिल्या जातील.

दुपारच्या सत्रात आनंद गानू आणि माधव दाबके यांनी डी वाय पाटील शैक्षिणक संस्थेतील प्राचार्य, प्राध्यापक यांच्याशी संवाद साधला. प्राध्यापकांना मार्गदर्शन करताना गानू आणि दाबके यांनी शिक्षकांनी इंडस्ट्रीची गरज आणि संधी ओळखून त्याप्रमाणं विद्यार्थ्यांना अद्यावत ज्ञान द्यावं. विद्यार्थ्यांना प्रोजेक्टवर काम करायला उद्युक्त करावं, त्यातून नवनिर्मितीवर नव संशोधन घडेल. फॉरेन लँग्वेज, सॉफ्ट स्किल्स यावरही भर द्यावा. यासाठी तज्ञ मार्गदर्शन किंवा अन्य मदत देण्यास गर्जे मराठी सदैव तयार असल्याचं त्यांनी सांगितलं. यावेळी सी.एच.आर.ओ श्रीलेखा साटम, संग्रामसिंह जाधव, डॉ सुनंदा शिंदे, नुपूर देशमुख यांच्यासह विविध विभाग प्रमुख, प्राध्यापक, विद्यार्थी मोठ्या संख्येनं उपस्थित होते.