चोरटयांनी ट्रान्सफॉर्मर फोडले... सहकारी पाणी पुरवठा संस्था हतबल...
शेतकरी हवालदिल
कोल्हापूर - जिल्ह्यात इलेक्ट्रीक मोटर पंप, वायर, ट्रान्सफॉर्मर मधील साहित्य तसेच कृषिपंपाचे साहित्य चोरीस जाण्याचे प्रमाण वाढले आहे. करवीर तालुक्यातील पाच, हातकणंगले तालुक्यातील पाच, शिरोळ आणि कागल तालुक्यात एक ट्रान्सफॉर्मर चोरट्यांनी फोडले आहे. यामुळे सहकारी पाणी पुरवठा संस्थांपुढे शेतीच्या पाणी पुरवठ्याचा प्रश्न निर्माण झाला आहे. पाण्याअभावी उभी पिंक करपू लागली असून शेतकरीही हवालदिल झाला आहे.
पोलिसांना या चोरट्याचा छडा लावण्याबाबत आदेश द्यावेत, अशी मागणी इरिगेशन फेडरेशन आणि पाणी पुरवठा संस्था पदाधिकाऱ्यांनी जिल्हाधिकारी अमोल येडगे यांच्याकडे निवेदनाव्दारे केली आहे.
यावेळी फेडरेशनचे अध्यक्ष विक्रांत पाटील किणीकर, भारत पाटील भुयेकर, चंद्रकांत पाटील, राजेंद्र सूर्यवंशी, सुभाष शहापुरे, विक्रम सिंह माने, सचिन जमदाडे, सुभाष पाटील, सागर पाटील, योगेश पाटील, महादेव सुतार, आकाराम बचाटे, मारुती पाटील आदि उपस्थित होते.