राजस्थानमधील खेलो इंडिया स्पर्धेत शिवाजी विद्यापीठाची धडाकेबाज सुरूवात...
कोल्हापूर - राजस्थान मधील एकूण सात शहरांमध्ये पाचव्या खेलो इंडिया युनिव्हर्सिटी गेम्स २०२५ ला सुरुवात झालीय. यामध्ये भारतातील दोनशे विद्यापीठातील पाच हजारांहून अधिक खेळाडू सहभागी झाले आहेत. एकूण तेवीस क्रीडा प्रकार आणि एक प्रायोगिक तत्त्वावर खो-खो हा खेळ अशा एकूण चोवीस क्रीडा प्रकारात ही स्पर्धा होत आहे. एकूण दहा खेळांमध्ये शिवाजी विद्यापीठाचे ८७ खेळाडू, १७ संघ व्यवस्थापक आणि प्रशिक्षकांचा सहभाग आहे.
शिवाजी विद्यापीठाने पहिल्या तीन दिवसांत या स्पर्धेवर आपली छाप उमटवलीय. स्पर्धेच्या दुसऱ्याच दिवशी वेटलिफ्टिंग क्रीडा प्रकारात काजोल सरगर हिने सुवर्णपदकासह विद्यापीठाचे खाते उघले. त्यानंतर मुलांच्या दहा मीटर एअर रायफल शूटिंग संघाने कांस्य पदक पटकावले. आर्चरी पुरुष वैयक्तिक रिकव्हर पन्नास मीटर प्रकारात साहिल शेलार याने रौप्य तर पुरुष रिकव्हर टी-इव्हेंटमध्ये शिवाजी विद्यापीठ विरुद्ध लवली प्रोफेशनल विद्यापीठ यांच्यातील अत्यंत चुरशीच्या सामन्यात शिवाजी विद्यापीठाने रौप्य पदक पटकावले. अर्जुन पुरस्कार प्राप्त खेळाडू अदिती स्वामी ही वैयक्तिक कंपाउंड गटात अंतिम फेरीत पोचलीय. रग्बी मुला-मुलींचे संघ उप उपांत्य फेरीत पोहोचले आहेत. कुस्ती मध्ये शिवाजी सृष्टी भोसले आणि समृद्धी घोरपडे यांनी आपापल्या वजनी गटांमध्ये कांस्य पदके पटकावलीत. या स्पर्धेत सहभागी दोनशे विद्यापीठांमध्ये सांघिक कामगिरीच्या जोरावर शिवाजी विद्यापीठ पदक तालिकेत पहिल्या दहा मध्ये स्थान पटकावेल अशी शक्यता वर्तवण्यात येत आहे.