तब्बल 16 वर्षानंतर राजू शेट्टींसह 80 जणांची ‘या’ प्रकरणातून निर्दोष मुक्तता...
कोल्हापूर - 2011 साली ऊस आंदोलन करण्यात आले होते. त्यावेळी स्वाभिमानी शेतकरी संघटनेचे अध्यक्ष राजू शेट्टी यांच्यासह 80 आंदोलकांवर गुन्हा दाखल करण्यात आला होता. या प्रकरणाचा निकाल तब्बल १६ वर्षानंतर लागला आहे.
कोल्हापूर सत्र न्यायालयात आज न्यायाधीश कश्यप यांच्या कोर्टाने या प्रकरणी राजू शेट्टी यांच्यासह 80 जणांची निर्दोष मुक्तता केली आहे. त्यामुळे शेतकऱ्यांनी न्यायालयाच्या आवारात एकमेकाला गळाभेट घेत आनंद व्यक्त केला. गेली 15 वर्षे या आंदोलनातील आरोपी असलेले सर्व शेतकरी कार्यकर्ते न्यायालयाच्या पायऱ्या झिजवत होते आणि अखेर त्यांना न्याय मिळाल्याची भावना शेतकऱ्यांमधून व्यक्त होत आहे.
या गुन्ह्यातून निर्दोष मुक्तता झाल्याने चळवळीमध्ये लढण्यासाठी कार्यकर्त्यांना पुन्हा बारा हत्तीचे बळ आलं असल्याची भावना राजू शेट्टी यांनी व्यक्त केली आहे.