भाजप पैसे वाटत असल्याचा दावा करणाऱ्या ‘या’ शिंदे गटाच्या आमदारावर गुन्हा दाखल
मालवण – दोन – तीन दिवसांपूर्वी शिंदे गटाचे आ. निलेश राणे यांनी भाजपकडून कशाप्रकारे पैसे वाटले जात आहेत असे म्हणत भाजपचे कार्यकर्ते विजय केनवडेकर यांच्या घरात घुसून पैसे सापडल्याचा दावा केला होता. त्यावरून दोन्ही राणे बंधूंमध्ये चांगलीच जुंपली होती. आता त्या विजय केनवडेकर यांच्या घरात घुसल्या प्रकरणी आ. निलेश राणे यांच्यावर गुन्हा दाखल करण्यात आला आहे. त्यांच्यासोबत त्यांच्यासोबत असलेल्या कॅमेरामनवरही गुन्हा दाखल झाला आहे.