जिल्हा परिषदेचे माजी अध्यक्ष नानासाहेब गाठ यांचे निधन

<p>जिल्हा परिषदेचे माजी अध्यक्ष नानासाहेब गाठ यांचे निधन</p>

हुपरी  — कोल्हापूर जिल्हा परिषदेचे माजी अध्यक्ष आणि ज्येष्ठ नेते नानासाहेब गाठ (वय ८०) यांचे शनिवारी पहाटे वृद्धापकाळाने निधन झाले. ते काही दिवस आजारी होते. १९९७, २००२ व २००७ अशा सलग तीन निवडणुकांत त्यांनी जिल्हा परिषदेत हॅटट्रिक विजय मिळवला होता. २००७ मध्ये अध्यक्षपदी कार्यरत असताना त्यांनी हुपरी शहरासाठी दूधगंगा नदीवरील १३ कोटींची पाणीपुरवठा योजना मंजूर करून जलदगतीने पूर्ण केली. सामाजिक व सहकार क्षेत्रातही त्यांचे मोठे योगदान होते. व्यंकटेश सूत गिरणीचे उपाध्यक्ष, पंचमुखी गणेश पतसंस्थेचे व शेतीमाल सहकारी संस्थेचे संस्थापक अध्यक्ष अशी विविध पदे त्यांनी भूषविली. त्यांच्या पश्चात पत्नी, मुलगा, दोन मुली व परिवार आहे.