बांगर यांच्यावर ५० कोटींचा आरोप; राणे बंधू आमनेसामने
हिंगोली - शिवसेना फुटीच्या वेळी आमदार संतोष बांगर यांनी एकनाथ शिंदे यांच्याकडून ५० कोटी रुपये घेतल्याची कबुली स्वतः दिली होती असा आरोप भाजप आमदार तान्हाजी मुटकुळे यांनी केलाय. या आरोपांचे शिंदे गटाचे आमदार हेमंत पाटील यांनी खंडन करत मुटकुळे साडेतीन वर्ष शांत का होते, असा सवाल केला. दरम्यान, पहाटे बांगर यांच्या घरावर १०० पोलिसांनी छापा टाकला.
मालवणमध्ये भाजप जिल्हा चिटणीसांच्या घरात आढळलेल्या पैशांवरून भाजपचे नितेश राणे आणि शिंदेसेनेचे नीलेश राणे हे भाऊ आमनेसामने आले आहेत. नितेश राणे यांनी “पैसे व्यवसायाचे” असल्याचे सांगत पक्षाची बदनामी न करण्याचा इशारा दिला; तर नीलेश राणे यांनी या प्रकरणात FIR का होत नाही? अशी चौकशी निवडणूक अधिकाऱ्यांकडे केली.