खळबळजनक : ‘या’ माजी मंत्र्याने चक्क आमदार निधीतील रक्कम वापरली स्वतःच्या शिक्षण संस्थेसाठी...
मुंबई – निवडून आलेल्या प्रत्येक आमदाराला आपल्या मतदार संघात विकास कामे करण्यासाठी विशेष आमदार निधी दिला जातो. तो निधी फक्त विकास कामासाठी वापरण्याचे बंधन या आमदारांवर असते. परंतू शिंदे गटाचे माजी मंत्री अब्दुल सत्तार यांनी मंत्री असताना आमदारकीचा तब्बल 16 लाखांचा निधी आपल्या स्वतःच्या शिक्षण संस्थेला रुग्णवाहिका घेण्यासाठी वापरला आहे. त्यामुळे जनतेचा पैसा हे मंत्री महोदय कशा प्रकारे आपल्या स्वताच्या कामासाठी वापरतात याची मोठे उदाहरण समोर आल्याने मोठी खळबळ उडाली आहे.
2014 मध्ये अब्दुल सत्तार यांनी मंत्री असताना 16 लाखांची 2 रुग्णवाहिका खरेदी केली आहे ही खरेदी नियमबाह्य असल्याचे आता निष्पन्न झाले आहे. कोणतीही शासकीय परवानगी न घेता या व्यवहाराला मंजुरी देण्यात आली आहे. या प्रकरणी सामाजिक कार्यकर्ते शंकरपल्ले यांनी तक्रार दाखल केली होती. त्यानुसार सिल्लोड कोर्टाने पोलिसांना अहवाल सादर करण्याचे आदेश दिले आहेत.