विरोधी पक्षनेते राहुल गांधींनी २२ वेळा मतदान केल्याचा आरोप केलेली ब्राझील मॉडेल म्हणाली की, “मी आजवर...”
नवी दिल्ली – दोन – तीन दिवसांपूर्वी विरोधी पक्षनेते राहुल गांधी यांनी पत्रकार परिषद घेवून हरियाणा निवडणुकीत मतदान कार्डाचा गैरवापर करून कशा पद्धतीने मतं चोरली जात आहेत याची पोलखोल केली होती. यावेळी ब्राझील मॉडेलचं नाव वापरून तब्बल २२ वेळा मतदान करण्यात आल्याचा आरोप त्यांनी केला होता.
या आरोपानंतर बीबीसीनं त्या मॉडेलशी संवाद साधला. यावेळी ब्राझील मॉडेल लॅरिसा नॅरी हिने मोठा खुलासा केला आहे. तिचा हरियाणा निवडणुकीत वापरण्यात आलेल्या फोटोवर ती म्हणाली कि, “मी आजवर कधीही भारतात आलेले नाही. त्यामुळे जे काही झालं ते सुरुवातीला वाटलं की प्रँक आहे. माझी कुणीतरी गंमत करतं आहे. पण सोशल मीडियावर अनेकांच्या प्रतिक्रिया येऊ लागल्या. इतकंच नाही तर माझा शोध घेऊन लोक मला सोशल मीडियावर टॅग करु लागले त्यामुळे मी हे सांगते आहे की मी भारतात कधीही आलेले नाही. मी ब्राझीलमध्ये राहते. माझा जो फोटो दाखवण्यात आला आहे तो २०१७ मध्ये माझ्या घराबाहेर काढण्यात आलेला फोटो आहे.