चक्क रिक्षाचालकाने चार लाखांच्या रक्कमेवर मन दाखवले नाही...
कोल्हापुरातील रिक्षाचालकाचा प्रामाणिकपणा...
कोल्हापूर - अथर्व पुजारी हे शिरोळ तालुक्यातील नृसिंहवाडी येथे राहतात. ते कामानिमित्त मंगळवारी कोल्हापुरात आले होते. कोल्हापुरात आल्यानंतर रिक्षातून प्रवास करताना पुजारी यांची चार लाख रुपये इतकी रक्कम असलेली बैग रामचंद्र जाधव यांच्या रिक्षात विसरली होती. रिक्षा चालक रामचंद्र जाधव यांनी रिक्षात सापडलेली ही बैग जुना राजवाडा पोलिसांच्या स्वाधीन केली. दरम्यान पोलीसांनी बुधवारी ओळख पटवून चार लाख रुपयांची रोकड असलेली बैग अथर्व पुजारी यांना परत केली.
पोलिस निरीक्षक संजीव झाडे यांनी रिक्षाचालक रामचंद्र जाधव यांचा सत्कार करत त्यांच्या प्रामाणिकपणाचे कौतुक केले. यावेळी रिक्षाचालक सेनेचे जिल्हाप्रमुख राजू जाधव आणि पोलीस कर्मचारी उपस्थित होते.