‘...31 वर्ष मी कीर्तन केलं’ : इंदुरीकर महाराजांचा दोन-तीन दिवसात मोठा निर्णय घेण्याचा इशारा
मुंबई – प्रसिद्ध कीर्तनकार इंदुरीकर महाराज यांच्या मुलीचा नुकताच साखरपुडा मोठ्या थाटामाटात पार पडला. यावरून इंदुरीकर महाराजांवर टीका झाली. आता तर त्यांच्या मुलीच्या कपड्यावरून त्यांच्यावर टीका होवू लागली आहे. त्यामुळे इंदुरीकर महाराजांनी ‘मी दोन-तीन दिवसात मोठा निर्णय घेणार’ असल्याचा इशारा दिला आहे.
इंदुरीकर महाराज म्हणाले, “31 वर्ष मी कीर्तन केलं, लोकांना मार्गदर्शन केलं, पण आता कंटाळलो आहे. मी दोन-तीन दिवसात मोठा निर्णय घेणार आहे. माझ्यात अजून उत्तर द्यायची ताकद आहे, पण आता हे सगळं माझ्या घरा पर्यंत पोहचलं आहे. लोक आता इतके खालच्या पातळीवर गेलेत की माझ्या मुलीच्या कपड्यांवरून कमेंट्स करत आहेत. तुम्ही मला शिव्या द्या, मला घोडे लावा, पण माझ्या लेकरांवर बोलू नका. आयुष्यभर लोकांची सेवा केली, चांगलं केलं पण आता वैयक्तिक आयुष्यावर येऊन ठेपलंय. मी आजही समर्थ आहे उत्तर द्यायला, पण मला आता शांतता हवी आहे. माझ्या लेकरांच्या कपड्यांवर बोलणाऱ्यांना तरी लाज वाटली पाहिजे.''