राज्यातील मंदिर परिसरांना छावणीचे स्वरूप...राज्यात हायअलर्ट जारी...
मुंबई – काल दिल्लीत झालेल्या बॉम्ब स्फोटामुळे देश पूर्णपणे हादरला आहे. या पार्श्वभूमीवर महाराष्ट्र राज्यात हायअलर्ट जारी करण्यात आला आहे. त्यानुसार राज्यातील प्रमुख मंदिरांच्या सुरक्षेत वाढ करण्यात आली आहे.
मुंबईतील प्रसिद्ध सिद्धिविनायक मंदिर, शेगाव येथील संत गजानन महाराज मंदिर, आणि शिर्डीतील साई मंदिरात कडक सुरक्षा व्यवस्था तैनात करण्यात आली आहे. मंदिराच्या प्रवेशद्वाराजवळ भाविकांची तपासणी केली जात आहे. तसंच मंदिर परिसरात बॉम्बशोधक पथकही तैनात करण्यात आले आहेत.
यामुळे राज्यातील मंदिर परिसराला छावणीचे स्वरूप आले आहे. मंदिरात येणा-या प्रत्येकाची मेटल डिटेक्टरच्या माध्यमातून तपासणी करून आत सोडण्यात येत आहे.