वाहनाची निवड तुमची मानसिकता दर्शवते, थार चालवणारे लोक...: पोलीस महासंचालकांनी नोंदवलं महत्वाचं निरीक्षण
चंडीगढ – वाहन वापरण्यावरून हरियाणाचे नवनियुक्त पोलीस महासंचालक ओ.पी. सिंह यांनी महत्वाचे निरीक्षण नोंदवले आहे.
पोलीस महासंचालक ओ.पी. सिंह यांनी म्हटले आहे की, "वाहन तपासणी करताना पोलिसांनी नागरिकांशी नम्रपणे वागावे, पण थार दिसल्यास तिला थांबवणे गरजेचे आहे. आम्ही प्रत्येक वाहनाची तपासणी करत नाही. पण जर थार किंवा बुलेट असेल, तर आम्ही तिला कशी सोडू? कारण सर्व गुन्हेगार अशा गाड्या आणि बाईक्स वापरतात. वाहनाची निवड तुमची मानसिकता दर्शवते. थार चालवणारे लोक रस्त्यावर स्टंट करतात."
सध्या तरुणाईमध्ये आणि काही गुन्हेगारी प्रवृत्तीच्या लोकांमध्ये बुलेट आणि थार हे 'स्टेटस सिम्बॉल' बनले आहेत. कोणालाही लक्ष्य करणे हा आपला उद्देश नसून, लोकांनी रस्त्यावर जबाबदारीने वाहन चालवावे, याबद्दल जागरूकता निर्माण करणे हे आपले मुख्य उद्दिष्ट असल्याचे त्यांनी म्हटले आहे.
सिंह यांनी नोंदवलेल्या या निरीक्षणामुळे थार आणि बुलेट मोटरसायकल चालवणाऱ्या लोकांना त्यांनी गुंड प्रवृत्तीचे ठरवले आहे. त्यामुळे सोशल मिडीयावर चर्चांना उधाण आले आहे.