छायाचित्रकारांनी व्यावसायिक दृष्टीकोन डोळ्यांसमोर ठेवून प्रदर्शने भरवावी : खा. शाहू महाराज छत्रपती
कोल्हापूर – महानगरांमधील छायाचित्रकारांचे अनुकरण करत कोल्हापूरातील छायाचित्रकारांनी व्यावसायिक दृष्टीकोन डोळ्यांसमोर ठेवून प्रदर्शने भरवावीत असे आवाहन खासदार शाहू महाराज छत्रपती यांनी केले आहे.
राजर्षी शाहू स्मारक भवनाच्या कलादालनात छायाचित्रकार बी. डी. चेचर यांच्या छायाचित्रांचे प्रदर्शन भरवण्यात आले आहे. आज तेरा नोव्हेंबर पासून बावीस नोव्हेंबर पर्यंत चालणाऱ्या या प्रदर्शनाचे उद्घाटन खासदार शाहू महाराज छत्रपती यांच्या हस्ते आणि मान्यवरांच्या उपस्थितीत करण्यात आले. ज्येष्ठ संपादक श्रीराम पवार यांनी, "प्रदर्शन कसे असावे, याचे एक आदर्श मॉडेल यो प्रदर्शनाच्या निमित्ताने कोल्हापूरकरांना अनुभवता येणार असून अशा पध्दतीचा प्रयोग कोल्हापुरात पहिल्यांदाच यशस्वी होत असल्याचे सांगितले. बी. डी. चेचर यांनी कोल्हापुरातील विविध घटकांनी मला पाठबळ दिल्यामुळेच प्रदर्शनाचे आयोजन शक्य झाल्याचे सांगितले.
यावेळी आमदार चंद्रदीप नरके, सकाळचे निवासी संपादक निखिल पंडितराव, ज्येष्ठ संपादक वसंत भोसले, बाळकृष्ण गुरव, प्राचार्य डॉ. महादेव नरके, विजय टिपुगडे, निखिल अग्रवाल, पी. डी. सावंत, भरत ओसवाल, जयेश ओसवाल, जिल्हा परिषदेचे माजी सदस्य बी. एच. पाटील, केवलसिंग रजपूत आदी मान्यवर उपस्थित होते.