‘या’ दिवशी राज्यातील सर्व व्यापाऱ्यांचा लाक्षणिक बंद...
राज्यव्यापी परिषदेत व्यापाराचा मोठा निर्णय
पुणे - व्यापाऱ्यांच्या समस्यांकडे शासनाचे लक्ष वेधण्यासाठी ५ डिसेंबर रोजी संपूर्ण महाराष्ट्रातील व्यापाऱ्यांकडून एक दिवस लाक्षणिक बंद ठेवण्यात येणार असल्याचा निर्णय आजच्या राज्यव्यापी परिषदेत घेण्यात आला आहे. त्यामुळे त्या दिवशी राज्यातील सर्व व्यापारी आपला व्यापार बंद ठेवणार आहेत.
पुणे येथे महाराष्ट्रातील सर्व कृषी उत्पन्न बाजार समिती व खाद्यान्न वस्तूंचा व्यापार करणाऱ्या व्यापाऱ्यांसाठी राज्यव्यापी परिषदेचे आयोजन केले होते. या परिषदेत ठराव करून हा मोठा निर्णय घेण्यात आला आहे. यावेळी अध्यक्षपदी फेडरेशन ऑफ असोसिएशन ऑफ महाराष्ट्रचे अध्यक्ष जितेंद्र शहा होते. यावेळी व्यापाराच्या अनेक समस्येबाबत विविध चर्चा करण्यात आल्या.
या परिषदेसाठी महाराष्ट्रातील मुंबई, नवी मुंबई, कोल्हापूर, सांगली, कराड, सातारा, जयसिंगपूर, नाशिक, जळगांव, बारामती, अहमदनगर, लातूर, सोलापूर, पंढरपूर, मोडनिंब इ. ठिकाणाहून व्यापारी संघटनांचे १२० पदाधिकारी उपस्थित होते.