झाडं ही आईबाप आहेत, झाडं तोडली तर त्याला माफी नाही...
अभिनेता सयाजी शिंदे
नाशिक – आगामी कुंभमेळाव्यासाठी नाशिकमध्ये झाडं तोडण्याचे आदेश दिले आहेत. यावर राजकारण्यांसह नाशिककरांकडून जोरदार विरोध होत आहे त्यासाठी अभिनेते सयाजी शिंदे हे रस्त्यावर उतरले आहेत “झाडं ही आमची आई-बाप आहेत. झाडं तोडली तर त्याला माफी नाही. आमच्या आईबापांवर हल्ला केला तर आम्ही मुलं काही इतकी बुळगी नाही. आमच्या आईबापांवर हल्ला केला तर आम्ही गप्प बसणार नाही, असा इशारा त्यांनी राज्य सरकारला दिला आहे.
अभिनेता सयाजी शिंदे यांनी म्हटले आहे कि, मुख्यमंत्र्यांनी नाशिककरांची जनभावना समजूत घेतली पाहिजे. तपोवनात काढण्यात आलेले टेंडर्स चुकीचे आहेत. त्यामुळे तपोवनातील झाडं वाचवण्यासाठी नाशिकमध्ये जे आंदोलन, लढा उभा राहिलाय, त्याला माझा पाठिंबा आहे,
साधू आले, गेले तरी त्याने काही फरक पडत नाही. याविषयी माझा अभ्यास नाही. पण झाडं गेली तर नाशिककरांचं नुकसान होईल. इथलं एकही झाड तुटता कामा नये. ही सगळी झाडं वाचली पाहिजेत, आपल्याच माणसांनी आपल्याला फसवलं तर त्यांना आपलं कसं म्हणायचं, शासन आपलं आहे की, इंग्रजांचं राज्य आहे?