‘अत्यंत बेजबाबदार...’: अभिनेत्री हेमा मालिनी संतापली
मुंबई – ज्येष्ठ अभिनेता धर्मेंद्र यांचे निधन झाल्याची बातमी सोशल मिडीयावर सध्या खूप व्हायरल होत आहे. परंतु धर्मेंद्र यांची प्रकृती सध्या स्थिर आहे असे असताना सोशल मिडीयाच्या माध्यमातून होत असलेल्या गोष्टींवर अभिनेत्री हेमा मालिनीने संताप व्यक्त केला आहे.
"जे घडत आहे ते अक्षम्य आहे! जबाबदार चॅनेल्स उपचारांना प्रतिसाद देत असलेल्या आणि बरे होत असलेल्या व्यक्तीबद्दल खोट्या बातम्या कशा पसरवू शकतात? हे अत्यंत अनादरपूर्ण आणि बेजबाबदार आहे. कृपया कुटुंबाचा आणि त्यांच्या गोपनीयतेच्या गरजेचा योग्य आदर करा," अशी पोस्ट हेमा मालिनी यांनी केली आहे.
त्यांची मुलगी ईशा देओलने इंस्टाग्रामच्या पोस्टमध्ये म्हटले आहे कि, “मीडिया फार घाईत दिसत असून, खोट्या बातम्या पसरवत आहेत. माझ्या वडिलांची प्रकृती स्थिर असून, त्यात सुधारणा होत आहे. आम्ही सर्वांना आमच्या कुटुंबाच्या गोपनीयतेचा आदर करण्याची विनंती करते. बाबांच्या प्रकृतीत सुधारणा होण्यासाठी प्रार्थना केल्याबद्दल धन्यवाद,"