कोल्हापूरकरांनो तयार व्हा..!
‘या’ दिवसापासून सुरु होतीय नाटकांची पर्वणी
कोल्हापूर – कोल्हापुरात उद्यापासून नाटकांच्या पर्वणीला सुरुवात होत आहे. शासनाच्या सांस्कृतिक कार्य संचालनालयाच्यावतीने ६४ व्या हौशी मराठी राज्य नाटय स्पर्धेला सुरुवात होत आहे. राजर्षी शाहू स्मारक भवन येथे १० नोव्हेंबरपासून ते १२ डिसेंबरपर्यंत रोज संध्याकाळी ७ वाजता नाटकांचे प्रयोग होणार आहेत.
सांस्कृतिक कार्य मंत्री ॲड. आशिष शेलार व सांस्कृतिक कार्य विभागाचे सचिव डॉ. किरण कुलकर्णी यांच्या मार्गदर्शनाखाली राज्य नाट्य स्पर्धा पार पडणार असल्याचे सांस्कृतिक कार्य संचालक विभीषण चवरे यांनी सांगितले आहे. या स्पर्धेमध्ये २६ संघांचा सहभाग असणार आहे. अधिकाधिक कोल्हापूरकरांनी या नाट्य पर्वणीचा आनंद घ्यावा असे आवाहन करण्यात आले आहे.