टीईटीबाबत सुप्रीम कोर्टाने दिला ऐतिहासिक निकाल
नवी दिल्ली – देशातील सर्व शिक्षकांना टीईटी परीक्षा उत्तीर्ण होणे आवश्यक असल्याची मुख्य अट घालण्यात आली आहे. अन्यथा सेवानिवृत्ती घ्यावी लागेल असा निर्णय घेण्यात आल्याने देशासह राज्यातील सर्व शिक्षकांना टीईटी परीक्षा उत्तीर्ण होणे गरजेचे झाले आहे. एका याचिकेवर निकाल देताना आज सुप्रीम कोर्टाने टीईटीबाबत ऐतिहासिक निकाल दिला आहे.
ज्या शिक्षकांनी आरटीई अॅक्ट अर्थात मुलांचा मोफत आणि सक्तीच्या शिक्षणाचा अधिकार कायदा-२००९ अंतर्गत वाढवलेल्या मुदतीत टीईटी परीक्षा उत्तीर्ण केली आहे; त्यांना केवळ मूळ नियुक्तीच्या वेळी टीईटी प्रमाणपत्र नव्हते या कारणास्तव सेवेतून काढून टाकता येणार नसल्याचा महत्वाचा निकाल सर्वोच्च न्यायालयाने दिला आहे. त्यामुळे पात्र असणाऱ्या शिक्षकांना मोठा दिलासा मिळाला आहे.