आजरा - आंबोली मार्गावर साडे तीन लाखांचा गोवा बनावटीचा मद्यसाठा जप्त...
कोल्हापूर - आगामी स्थानिक स्वराज्य संस्थांच्या निवडणुकीच्या पार्श्वभूमीवर गोवा बनावटीच्या मद्याची अवैधरित्या वाहतूक करणाऱ्यांवर कारवाई करण्याच्या सूचना सर्व अधिकाऱ्यांना देण्यात आल्या आहेत. त्या अनुषंगाने राज्य उत्पादन शुल्क विभागाच्या कोल्हापूर विभागीय भरारी पथकाने आजरा - आंबोली मार्गावर आंबोली टोल नाक्याजवळ कारवाई केली.
या कारवाईत गोवा बनावटीचा मद्याचा साठा, बेकायदेशीर रित्या महाराष्ट्रात विक्रीसाठी घेऊन येणाऱ्या सुधीर राठोड याला अटक केलीय. त्याच्याकडून सुमारे साडेतीन लाख रुपयांचा गोवा बनावटीचा मद्यसाठा आणि टेम्पो असा एकूण साडे अकरा लाख रुपयांचा मुद्देमाल जप्त करण्यात आला आहे.