कोल्हापुरात करणी करणाऱ्या भुरट्या भोंदूबाबाचा व्हिडिओ व्हायरल...
कोल्हापूर - पुरोगामी जिल्हा म्हणून ओळखल्या जाणाऱ्या कोल्हापूर जिल्ह्यात अनेक ठिकाणी भोंदूगिरी आणि करणीचे प्रकार सुरू आहेत. चुटकी वाजवून भूतबाधा, करणी करणाऱ्या तांत्रिक मांत्रिकांचे व्हिडिओ सोशल मिडीयावर व्हायरल होत आहे. त्यामुळे कोल्हापुरात भोंदू बाबा जोमात अन् पोलीस प्रशासन कोमात अशी चर्चा होवू लागली आहे.
स्मशानभूमित चुटकी वाजवून अघोरी पूजा करणे, भूत काढणे, करणी करणे यासह अघोरी प्रकार कोल्हापुरात होत असल्याचं समोर आले आहे. लहान मुलासह महिला आणि नागरिकांवर अशा प्रकारच्या जादूटोण्यासह करणी केली जात आहे. अनेक लोक मांत्रिक आणि भोंदू बाबाच्या जाळ्यात अडकले आहेत. त्यामुळे जादूटोण्याच्या नावाखाली लोकांची फसवणूक करणाऱ्या अशा भोंदूबांबावर कारवाई करण्याची गरज आहे.