‘या’ दिवशी कोल्हापूर जिल्ह्यातील सर्व न्यायालयांमध्ये होणार लोक अदालत...
कोल्हापूर - राष्ट्रीय विधी सेवा प्राधिकरण आणि महाराष्ट्र राज्य विधी सेवा प्राधिकरण यांच्या सूचनेनुसार शनिवारी १३ डिसेंबरला देशातील सर्व जिल्हा आणि तालुका न्यायालयात लोक अदालतीचे आयोजन करण्यात आले आहे. कोल्हापूर जिल्ह्यातील सर्व न्यायालयांमध्ये देखील १३ डिसेंबरला लोक अदालत होणार आहे. नागरिकांनी दाखल पूर्व प्रकरणे आणि दाखल असणारे सर्व प्रकारचे प्रलंबित दावे तडजोडीने मिटवण्यासाठी या लोक अदालतीमध्ये सहभागी व्हावे, असे आवाहन कोल्हापूर जिल्हा विधी सेवा प्राधिकरणाच्या सचिव अश्विनी वाघमोडे यांनी केले आहे.
१३ डिसेंबरला होणाऱ्या या लोक अदालतीमध्ये सहभागी होऊन वेळ आणि पैशाची बचत करावी आणि तडजोडीने दावे मिटवावेत, असे आवाहन विधी सेवा प्राधिकरणाच्यावतीने करण्यात आले आहे.