गोकुळच्या सदस्या सुप्रिया चव्हाण यांना “सर्वोत्तम महिला दूध उत्पादक २०२५” चा पुरस्कार प्रदान
कोल्हापूर – इंडियन डेअरी असोसिएशन (पश्चिम विभाग), गोवा डेअरी,सुमुल डेअरी आणि गोवा शासन यांच्या संयुक्त विद्यमाने “गोव्यातील दुग्धव्यवसाय व त्यातील संधी आणि आव्हाने या विषयावर दोन दिवसीय राष्ट्रीय परिसंवादाचे आयोजन करण्यात आले होते यावेळी उल्लेखनीय कामगिरीबद्दल गोकुळच्या सदस्या सुप्रिया चव्हाण यांना “सर्वोत्तम महिला दूध उत्पादक २०२५” चा पुरस्कार प्रदान करण्यात आला आहे.
सुप्रिया चव्हाण या कोल्हापूर जिल्ह्यातील शिरोळ तालुक्यातील टाकळीवाडी येथे गाय ,म्हैस, लहान वासरे असा त्यांच्या ७६ जनावरांचा अत्याधुनिक पध्दतीचा गोठा आहे . त्या रेणुका दुध संस्थेच्या माध्यमातून प्रतिदिन ३०० लिटर दुध पुरवठा गोकुळला करतात
यावेळी गोव्याचे मुख्यमंत्री डॉ. प्रमोद सावंत, सहकार मंत्री सुभाष शिरोडकर, पशुसंवर्धन मंत्री नीलकंठ हलर्णकर, पशुसंवर्धन मंत्री पराग नागरसेनकर, डॉ. आर. एस. सोधी, डॉ. जे. बी. प्रजापती, चेअरमन, नविद मुश्रीफ, गोकुळ संचालक डॉ.चेतन नरके, डॉ. अमित व्यास, गोकुळचे कार्यकारी संचालक डॉ.योगेश गोडबोले उपस्थित होते.