आंदोलन अंकुशच्या धनाजी चिडमुंगे यांना मारहाण : चौकात आंदोलकांनी रात्रभर तंबू ठोकून दिला पहारा
कोल्हापूर – काल रात्री ऊस वाहतूक अडवताना आंदोलन अंकुशच्या धनाजी चिडमुंगे यांना धकाबुक्की करत मारहाण करण्यात आली आहे. या मारहाणीनंतर त्यांना उपचारासाठी रुग्णालयात दाखल करण्यात आले आहे. या सर्व घटनेमुळे ऊस आंदोलन चिघळण्याची चिन्हे दिसू लागली आहेत.
शिरोळच्या छत्रपती शिवाजी महाराज चौकात ऊस वाहतूक रोखताना आंदोलन अंकुश संघटनेचे कार्यकर्ते आणि ऊस वाहतूकदार एकमेकांना भिडले. यावेळी धनाजी चुडमुंगे यांना मारहाण करण्यात आल्याचा आरोप संघटनेकडून करण्यात आला आहे.
या सर्व घटनेनंतर पुन्हा ऊस वाहतूक सुरु होऊ नये यासाठी स्वाभिमानी शेतकरी संघटनेच्या आंदोलकांनी रात्रभर तंबू ठोकून पहारा दिला त्यामुळे चौकात काही काळ गर्दी होती.