करवीर तहसील कार्यालयाच्या पिछाडीस ड्रेनेजच्या वाहत्या पाण्यामुळे नागरिकांचे आरोग्य धोक्यात......
28 October 2021, 07:28:51 PM
Share
कोल्हापूर : डेंगी मलेरियाची साथ पसरत असतानाच, शहराच्या मध्यवस्तीत असणाऱ्या करवीर तहसील कार्यालयाच्या पिछाडीस ड्रेनेजचे वाहते पाणी नागरिकांसाठी मोठी समस्या ठरत आहे. यामुळ नागरिकांच्या आरोग्याची मोठी समस्या निर्माण झाली असून महापालिकेला जाग केव्हा येणार असा सवालही आता उपस्थित होतोय.
शहरात सध्या डेंगी आणि मलेरियाचे रुग्ण वाढत असतानाच रस्त्यावरून वाहणारे ड्रेनेजचे सांडपाणी, ही एक मोठी समस्या बनत आहे. करवीर तहसील कार्यालयाच्या पिछाडीस बारा महिने ड्रेनेजचे सांडपाणी वाहत असल्याने याठिकाणच्या नागरिकांची मोठी डोकेदुखी ठरत आहे. करवीर तहसील कार्यालयात दररोज हजारो नागरिक आपली कामे घेऊन येत असतात. याशिवाय करवीर तलाठी कार्यालय देखील याच परिसरामध्ये आहे. त्याशिवाय स्टॅम्प खरेदीसाठीही आपली शासकीय कामे घेऊन हजारो नागरीक येथे येत असतात. मात्र तहसील कार्यालयाच्या पिछाडीस असलेल्या रस्त्यावरून वाहणारे ड्रेनेजचे सांडपाणी नागरिकांच्या आरोग्याच्या दृष्टीने समस्या बनली आहे. वारंवार तक्रार करूनही महानगरपालिकेचे प्रशासन याकडे लक्ष द्यायला तयार नाहीत. या सांडपाण्यामुळे परिसरात दुर्गंधीचे साम्राज्य पसरले असून, याठिकाणच्या टपरी धारकांना अशा घाणीतच दिवस काढावा लागतात. यामूळ आरोग्याचा समस्या देखीलं निर्माण होताहेत. मात्र महापालिका याकडे लक्ष द्यायला तयार नाही, त्यामुळ दाद कोणाकडे मागायची असा सवालही आता नागरिकांनी उपस्थित केलाय.
दरम्यान करवीर तहसील कार्यालयाच्या पिछाडीस वाहणारे सांडपाणी, ही समस्या 12 महिने आहे. या पाण्यातूनच वाट काढत नागरिकांना पुढे जावे लागते. अनेक वेळा वाहन जाताना अंगावर पाणी उडत असल्याने वादावादीचे कारण देखील बनत आहे. त्याशिवाय डेंगी, मलेरिया आजाराचे शिकार नागरिक बनत आहेत. त्यामुळ स्वच्छ कोल्हापूर..... सुंदर कोल्हापूरचं स्वप्न पाहणाऱ्या महापालिकेतल्या प्रशासनातील अधिकारी याकडे गांभीर्याने पाहणार काय? हाच खरा प्रश्न आहे..
